Goth ??? ماهو القوثيك - القوث ؟؟

سووو قاث غاث جرماني قوطي goth gohic goths : نقاط بسيطه عشان تعرفون علي القاث اذا كانت الكلمه يديده عليكم او فاهمينه غلط والي فاهم والي قاث خل بالك طويل معاي :*

يختلف تفسير القاث من شخص لي شخص في اساسيات بس الباجي تفسيرات متنوعه ... مااعتقد ان في انسان يقدر يفسر تفسير كامل لسبب انجذابه لشي معين او لشخص معين ... اسأل الف شخص عن شنو الحب او الكراهيه او الكبرياء بيكون في شي مشترك بس اجابات مختلفه وزيادات مختلفه

كقاث افسر : القاث عباره عن طريقه تفكير واسلوب حياه .. القاث عباره حضاره فرعيه الي جانب الحضاره الريسيه (وهي الاسلاميه هنااا) ... الادب التاريخ المعمار والموسيقا كلمات اساسيه بثقافه القوثيكس.. القاث له تاريخ قبل الثمانيات وانطلاق موسيقا روك .. يعود الي القرن 18 ...

كموسيقا ابتدا gothic rock

في تهايه السبعينات وبدايه الثمانيات منpost-punk ... القوثيك بعيد بعد تام عن الميتل .. في فرق خاصه ومنها

bauhaus وتبعتها فرق ثانيه ...

طريقه تفكيرنا مختلفه عن الاخرين من ناحيه وين نشوف الجمال والاشياء الي نشوف فيها هالجمال روح الدعابه عندنا ... منظورنا للعالم ولاشياء الي دور حولنا ..كل شخص فريد بطريقه تعبيره ونظرته .. نقاط بسيطه :

1- كلمه اصلها من القبائل الجرمانيه باوربا ( مو معني هالحجي ان القوث من اوروبا بس .. لاء اهيا الكلمه من وين طلعت .. نفس ماتقول برافو ... هل يوم انت تقوللها يعني انت فرنسي (اتمني تكون من فرنسا اذا مو غلطانه :X ))

2- افرادها من اعمار واديان مختلفه

3- نسمع انواع متنوعه من الموسيقا وفي عندنا نوع موسيقا خاص اسمه- gothic rock

4- في انواع من القاث بنتحجي عنهم بعدين انشاءالله

5- في ستايلات متنوعه وهذا مرتبط بعد باانواع القاث

6- مجموعه تشوف الجمال بلاشياء الي مايشوفها غيرهم فيها تمثال -مقبره - مكان تاريخي - قلاع -كتاب - ورده -الشتا واشياء وايد

7- ناس جريئه بنقاش ومافي حدود لحريه الفكر

8- مافي شي اسمه طقوس او قوانين بالقاث كاانتساب لمجموعات او شعائر او انك شرط تلبس اسود او تسمع بس روك

9- مو مكتئبين ولاء انتحارين ولا قتالين قتله وسفاحين P:

10- ناس محبه للقراءه ولادب ولابتكار متفهمين ويتقبلون الناس بكافه اختلافتهم

11 - نحب الرعب والظواهر الخارقه مو لان مرضي نفسيين

12 - ممكن تشوفون بالقاث ناس سويين والمثيلين والباي سكشول لان مافي احد يحكم عليك

13- ممكن تشوفونهم بكل مكان مدرسين اطباء طلبه زوجات وازواج محامين بساطه احنا موجودين بكل مكان

14- الصلبان والرموز الدينيه بالمشهد القوطي عباره عن تعبير مو معني ديني او عنصريه للمذهب المسيحي او تدنيس

15 - الاستمتاع بجمال الظلام واظهار جماله لنور

16 - كل فرد يعبر عن رؤيته لدارك سايد بطريقه فرديه وشخصيه باللبس او الكتابه او باي طريقه اهو يحبها برسم الغرافيك الخ

17- واقع وحقيقه ودراسه اثبتت ان القوثيكس اشخاص اذكياء وناجحين وسعداء بحياتهم deal with that

18- مشاعر وانجذابات خاصه مولودين فيها (بمعني انها نزعه طبيعيه فينا ) ... وفي بعض الناس لانهم يحبون الرعب انظمو للمشهد القوطي او ان بس شي غير والبعض يبي بس جذي بيضيع وقت

هذا الي اقدر اقوله الحين .. ايلكم هلاحساس بعض لاحيان ان ماتقدر تعبر بصوره كامله عن الي بداخلكم +ا ني مو محبين الكتابه المقاليه او سوالف المواضيع وايد ماعدا الشعر anyway اتمني لو وضحت نقطه او نقطتين .